Brief an Th. Müntzer in Frose
Mynen wylligen underdainighen denst myt vormogen alles. Hochgelarde und
vorfolger der unrechtverdichteyt, werdiger, leyber her. Vurer werde gesunt
unde des ganzen partilats (?) bin ick allzeyt geneyget ze vor farren.
Vorder soll wyssen vure werde, dat ick habbe de breffe u(wer) w(erde) by
Hans Pelten gesant, bestelt unde habbe van dem ersamen Hans
Tammaz entfangen 2 gul(den), 40 mathier vor 1 gulden, unde her hat
1.uchs hyr by eyn breff, dar inen werde gy sine mey[nun]ge woll vor-
stenn. Ock hebbe ick entfangen 2 gulden 31 mathier vor 1 gulden
unde 40 mathier, de schall sin sone habben zu eynem boche,
dar he om umme gescreven hat. Unde dar benevensent he
omm 6 mathier zu sinem bohoffe. Unde Henrick Bruder sendet
Thomas 1 rock unde eyn breff, darin he sin mey[nun]ge woll
wert verstan. Unde ick sende om dar by 10 mathier tho
sinem behieffe, unde ick waß der meynunge, ick wolde sulver
sin ...... wirdi gekommen, so hebbe ick der tydt nicht,
sunder ick wyll, wylt gotht, in cortem by iw sin. Godde dem
almechtigen gesint unde solich bevell in der hitzigen leve
rey nichet .... Unde segget den guden gesellen myne denst myt
sampt meyne leven vader, großmutter unde mutter. Ick wyll,
wylt got, drade by onen sein. Myt hast gescreven in Halverstadt in
die sancti Jacobi appostuli anno 17. Clawes, Hans Pelten deyner.